| Carmen's profileCarmen 小天地PhotosBlogLists |  Tools  Help |
Carmen 小天地藍天白雲 青山綠水 紅日我愛你 |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
October, 2008 狗尾嶂山嘩，好耐都冇出外行山啦。來近11月尾就出發。 登廣東第四高峰 - 狗尾嶂山位於韶關乳源縣大橋鎮，海拔1684米，属瑶山。狗尾嶂山势俊朗，風景秀丽。植被豐富，山顶有非常好的草坡。地貌獨特 行程如下:- 11月21日〔星期五〕晚上準7時30分在落馬洲過關後口岸大堂門前(扶手電梯底)，即乘車往佛崗。 11月22日〔星期六〕早餐後驅車往韶關地區登寨遊玩，探訪韶石山之“馬鞍古寨。 11月23日〔星期日〕早餐後乘車前往大橋鎮長山寺攀登南嶺其中高峰 – 狗尾嶂山，高度1684米。 11月24日 [星期一] 早餐後遊覽南嶺國家森林公園，遠眺主峰石坑崆山 [1902米]。 August, 2008 這是生活返工-->等食中午飯--->等放工--->同波波同街玩--->休息完又要返工..... 最終目的---> 等出糧
最開心都係六、日，多時間去玩。可以週圍去。
       秋天又就快到啦，camp＋行山，仲忙呀．．． 如果返工同去玩的時間一半半就好，所以係冇公平。返工咁耐先得個一、兩日假。
April, 2008 2009 公眾假期
April, 2008 好耐冇見嘩........成萬七年都冇上來了，而家又有facebook 同 yahoo blog，都唔知寫得邊樣。但msn ｓｐａｃｅ 先係第一個ｂｌｏｇ．．．．
真係難於ｍａｎａｇｅ 咁大樣化呀 September, 2007 朋友有些朋友不用時時見面，都好有信心不會質疑大家的友情，整整一年不見面，到見面時也很親切。不在身邊的，也可感受她/他們的關心，好貼心。
但不堅固的充滿疑慮及不安，友情不是給人支持的嗎？令我也很迷茫。
掛念我的真朋友。
朋友 我當你一秒朋友 朋友 我當你一世朋友 奇怪 過去再不堪回首 懷緬 時時其實還有 朋友 你試過將我營救 朋友 你試過把我批鬥 無法 再與你交心聯手 畢竟 難得有過最佳損友 從前共你 促膝把酒 傾通宵都不夠 我有痛快過 你有沒有 很多東西 今生只可給你 保守至到永久 別人如何明白透 實實在在 踏入過我宇宙 即使相處到 有個裂口 命運決定了 以後再沒法聚頭 但說過去 卻那樣厚 問我有沒有 確實也沒有 一直躲避的藉口 非什麼大仇 為何舊知己 在最後變不到老友 不知你是我敵友 已沒法望透 被推著走跟著生活流 來年陌生的 是昨日最親的某某 生死之交 當天不知罕有 到你變節了 至覺未夠 多想一天 彼此都不追究 相邀再次喝酒 待葡萄成熟透 但是命運入面每個邂逅 一起走到了某個路口 是敵與是友各自也沒有自由 位置變了各有隊友 問我有沒有 確實也沒有 一直躲避的藉口 非什麼大仇 為何舊知己 在最後變不到老友 不知你是我敵友 已沒法望透 被推著走跟著生活流 來年陌生的 是昨日最親的某某 早知解散後 各自有際遇作導遊 奇就奇在 接受了各自有路走 卻沒人像你 讓我眼淚背著流 嚴重似情侶 講分手 有沒有 確實也沒有 一直躲避的藉口 非什麼大仇 為何舊知己 在最後變不到老友 不知你又有沒有 掛念這舊友 或者自己 早就想通透 來年陌生的 是昨日最親的某某 總好於那日我 沒有沒有遇過某某 September, 2007 最近如何？好耐都提唔起勁去update啦.....
肥波來左3個月，日日都有d工作同佢做，而佢最近又跌斷腳，更加忙如照顧佢。雖然只有3個月感情，但佢一受傷，真係即刻哭出來，個心好痛咁....感情真係可以增長得好快，家人同佢都有好深感情，大家都怕失去佢呀...... 更加唔敢諗佢有日會離開。不過開始了不能回頭，只希望佢健康唔好要我用咁多錢啦....
有人話要用咁多錢來醫佢，唔好要，領養好過，買佢都唔洗咁貴，聽完好生氣
 ，真係要尊重生命，更何況係人令他受傷。肥波唔洗怕，只要還有我，我仲有能力，我一定會保住你，令你有愛......你都要生性呀，唔好咁貪玩啦。呢排又想轉工，識得我的朋友都知，我一份工都係做一至二年，搵工先係正識。好怕工作令人懶散退步，唔要咁，要努力呀......
 有d野會令你唔開心，係唔係唔好去諗佢？唔好去撩佢呢？ 回憶總是美好，就由它在過去中.....
我們再也回不過去......
好想出外登山呀，好耐都冇啦，今年好多野都冇做到，好不完滿呀，仲有3個月，要做番d野呀。
May, 2007 Hiking Activities 行山活動 (May - June)April, 2007 家族大露營自己去露營就去得多，今次有個大挑戰。帶成10個家人去個大露營。地點是最合適家庭營的南山營地。
唔洗多行，又大又設備完善的洗手間+浴室。
成員有阿媽、阿姨、表妹同d妹。
裝備有：
菜單： 晚餐 - 木瓜牛秋魚湯、薯仔炒肥牛、節瓜粉絲煲、粟子炆雞、肉丸娃娃菜、洋蔥煎肉眼扒、野菜炒豆腐 消夜 - 蜜瓜西米露、煎餃子 早餐 - 煎燒買、餐肉通粉、熱飲 午餐 - 生果、水餃米、印度烤餅 終於拾好4個背狼了..... 為左以後阿媽都比我多d去露營，要令佢開心，享受下露營的樂趣。 去露營冇分年齡 去得開心就係"型" February, 2007 玉桂山住左成10幾年，終於有機會一登家後的玉桂山啦，仲要係第一次單人行山。
呀媽佢要我著件鮮黃色的T-shirt，佢要睇住我行咁話。
開始行找路上山真不易，突然電話響，呀媽打比我話我行錯路，入左林，好好笑。感覺好奇怪，感到家人在身邊係好warm，好有support.
上到去真係另又一番滋味，見到鴨洲掛、好多好多船泊向深灣，又見到集古村.......
January, 2007 活動預告嘩.......好耐冇行山啦。係時候計劃下......
 2月4日 大魚山 2月農歷年 悠遊hea camp..........(初九先返工，想去幾耐都得啦) 4月復活節 大魚山走營80km。領隊話大把平路，實走你唔死，仲好hea.............. December, 2006 台灣五嶽三尖十崚五 嶽 玉山3952 雪山3886 秀姑巒山3825 南湖大山3742 北大武山3090 三 尖 中央尖山3705 大覇尖山3492 達芬尖山3135 十 峻 玉山東峰3869 玉山南峰3844 馬博拉斯山3785 関山3668 奇萊北峰3607 大剣山3594 品田山3524 無明山3451 能高山南峰3349 新康山3331 台灣有多條登山路線，有機會真想一一到訪。要看看每個山頭的日出...... December, 2006 林海峰是但o翕足否低噴飯超低能 勁攪笑
娛樂圈只需要受害者
Hit rate好高，就hit rate 好勁
三項鐵人其實是一個偷渡過程，國內踏單車 --> 游水來香港 ---> 見到警察就要跑
November, 2006 台中苗栗縣今次好有挑戰性，3曰2夜、完全冇reference、單靠網上資料去訂房+plan行程。但最重要係帶住阿爸阿媽訓機場等天光再去坐火車。
打埋長途去訂房啦，聽佢地把聲好似好nice咁。希望真係咁好人啦。
計劃會去的景點有：向天湖 (近旅館) + 雪霸國家公園 (有登山路線) + 南庄老街 (旅行定要去睇下有咩特產啦) + 橫龍山古道or 獅頭山風景區 (勁影相)--->主要係欣賞自然風景為主﹐加少許探險成份。
食個方面，苗栗主要食客家菜。
又有機會試相機..........哈哈 !!! November, 2006 新玩具近年來都會出海外登山，拍下風景。就發覺陪伴我多年的Casio EXILIM唔夠用了，拍唔到夜景又手震。不過佢又好厲害，跌了4-5次落大石都唔爆，仲係咁硬淨---> 勁呀。
而家找到新目標了，有待出手。多得身邊的魔鬼朋友相助，令我可以.................再貢獻香港經濟啦。
怏d跌價呀.............加油!!!!
聖誕老人，開工啦!!!
Panasonic LUMIX DMC-LX2
今日終於貢獻了香港經濟..........我要試相機、上飛鵝山拍夜景、去尖東拍燈飾........
試拍結果，滿意呀 : )
October, 2006 三奧雪山之旅嘩........原來好凍呀....
不過個景好正，一早起身就可以360度望住雪山山脈，好白好白......
氣溫由白天20+ 到晚上最凍得-12。頭都冷到赤赤痛，仲想嘔，但又嘔唔出。
最驚的是我帶了個蚊紗3季營上山，全團人都怕我會凍死，第1晚訓過之後，就開好冷了。好彩有朋友收留過了2個寒冬。
其實今次旅程並不是太辛苦，都是在2800m高度"hea"，煮下公仔麵食，飲下熱朱古力，之後登上4200米之高山。
September, 2006 四川三奧雪山之旅 Oct 21-28 20062006年的海外遠足之旅，今次主要是經歷下雪地露營。考驗下裝備、挨凍能力及忍耐能力........今次係上4700m的八谷多神山，可遠眺三奧。唔知會唔會訓訓下落雪呢.................. 三奧簡介 三奧雪山位於四川黑水縣蘆花鎮德石窩村，由奧太娜(海拔4890米)、奧太美(海拔5257米)、奧太基(海拔5286米)三座雪山組成，三座雪山山型優美在縣城的任何地方都可以瞻仰它們雄偉的氣勢，壯觀美麗的身影。 阿日崗草甸 (會向呢度露營呀 阿日崗草甸是三奧最適合遠足登山、露營、騎馬觀光的好地方。從奧太基到黑水縣城有一條又寬又長的刃脊名為德別牧場，牧場全長約30公里左右，面積約360平方公里，整條綫上風景最好的地方就是阿日崗草甸，阿日崗草甸海拔3850米左右，寬濶而平坦、地勢起伏平緩，水草豐盛牛羊成群。春末夏初草原春光明媚，綠草茵茵行走在這牧場上除了觀花、草、紅葉之外還可以看到三奧神山、打古冰川和被連綿群山包圍着的黑水地區。秋季這裡則是彩色的海洋，滿山紅葉、黄葉、綠葉的彩林，托着三座金光燦爛的雪峰，這裡定成了謀殺菲林的地方。
June, 2006 Hiking Activities 行山活動 (Jul - Aug) 暑假天夏天行山唔係個個都好，但遇到天氣好的話，藍天白雲再加綠山脈.............好正呀 !!!
JUL 9：行個痛快
 ............井欄樹  黃麍仔 大籃湖 東洋山 大老山 慈雲山 有時間就上埋畢架山 JUL 16：童軍探檢班 Pre-Trip
JUL 30：童軍探檢班
Aug 13：要去攀岩呀  May, 2006 行山日誌 - 雞公嶺位於林村郊野公園的雞公嶺真係好正..........綠油油的山嶺，好清新呀。今日天氣唔係太熱，一路都有涼風陣陣。
路程：逢吉鄉 --> 雞公嶺 --> 大羅天 --> 麒麟山 --> 古洞
路程不算太辛苦，一開始由木條梯級登上山。上完雞公嶺就黑雲蓋頂，下雨起來，上唔到大羅天同麒麟山，要留下次。雞公嶺咁正..........去多幾次都會。果山的綠色真係好靘，又有唔同層次，好美好美。
今日行程完全可以體會到"上山容易 落山難"，全隊人也有掉到地上，變成泥鴨。除了我呀........haha
 條黃泥路真係好"滑" 一踎低就會自動行車。上完山又要入森林，仲要下雨......好有熱帶雨林feel 呀。
交通：由港島搭968到元朗東頭村下車，行過對面鐵站再搭小巴603，到華盛村下車。入口在地圖附近，沿電纜登山。
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
)
Send a private message
Tell a friend
Add to My MSN
Add to your network
Sign up for alerts|
|
